Hytaýyň PM-si arany sazlamak üçin Hindistana sapar edýär
0
Hytaýyň täze premýer-ministri Li Kekiaň Delide, 19-njy maý (Foto: Hindistanyň Daşary işler ministrligi)
Hytaýyň täze premýer-ministri özüniň daşary ýurda ilkinji resmi saparyny Hindistandan başlady. Pekiniň aýtmagyna görä, Li Kekiaňyň Delä sapary Hytaýyň dünýäniň iň köp ilatly bu iki ýurdunyň arasyndaky gatnaşyklaryň gowulanmagyna ähmiýet berýändigini görkezýär.
Bu sapardan birnäçe hepde öň iki ýurduň arasynda Kaşmirdäki dawalay serhet bilen bilen bagly dikleşme ýüze çykdy. Bu ýagdaý köpden bäri basyrlygy ýatan dartgynlylygyň täzeden möwjemegine getirdi. Soňunda ylalaşyga gelnip, iki tarap hem yza çekildi.
Emma sagçy hindi aktiwistleri öz hökümetlerinden Hytaýyň “basyp alyjylygyna” garşy has ýiti gaýtarga garaşdylar. Olar Hindistanyň parlamentiniň öňünde ýygnanyp, Hytaýyň liderini bu ýurdy terk etmäge çagyrdylar.
Emma bu waka indiki üç ýylyň dowamynda özara söwda dolanyşygyny 50 prosente, ýagny 80 milliard ýewro çenli ýokarlandyrmaga ylalaşan bu iki hökümete päsgel berjege meňzänok.
Hindistanda üç gün bolandan soň Li Pakistana barar. Ondan soň bolsa Şweýsariýa we Germaniýa sapar eder.
